Nasib Mahasiswa Pas-pasan….

Maksud hati pengen dibilang mahasiswa teladan, biar otak pas-pasan tapi kalo emang niat dari dalam hati kali aje ade jalan biar bisa lulus tepat waktu. Bukannye takut dibilang MAKARA (Mahasiswa Karatan_red), tapi karena satu hal nyang bikin isi kepala ini hampir muntah keluar. Ya… BIAYA…!!! Ente tau sendiri khan, untuk biaya pendidikan di negeri tercinta Indonesia ini mahalnye ga ketulungan. Apalagi untuk biaya magister. Salah-salah bukannye kelar dapet gelar master, eh malah keblinger mikirin biaya SPP. Selepaas keliling nyari-nyari referensi di oom google, niatnye sich pengen kuliah di kampus negeri biar otak ane pas-pasan khan sangar juga kalo bisa dapet Ijazah negeri. Nyohor bener tuh :D. Tapi bukan maen kagetnya ane, pas liat ntu biaya kuliah ampe kelar nyampe Rp.50.000.000 (Minimal).

Bujug dah, mo ngutang dari mane lagi….? Padahal cita-cita mah pengen bisa nyampe S3, biar bisa ngebanggain emak sama abah di kampung. Khan lumayan, ntu mereka bedua pade nyohor di kampung. “Ntu si Rahmat… nyang bapaknye cuman buruh doang aje bisa sekolah ampe tinggi….”. Bukannye bermaksud takabur, tapi kalo ntu jadi motivasi buat orang sekampung nyang kaga punya biaya pada semanget buat belajar. Kali-kali ada nyang jadi Doktor atau Guru Besar biar bisa bikin harum kampung ma bangsa ini.

Ntu dia, akhirnya urung juga ane lanjutin pengen sekolah di kampus negeri karena biaya yang rada mahal. Akhirnya dengan perasaan rada miris, ane coba hunting beberapa kampus swasta di sekitar jawa. Beruntung… masih ada satu kampus nyang ngasih biaya murah buat lanjutin S2 ini. Aneh juga, padahal kalo itung-itungan kudunye ntu kampus swasta lebih mahal dari negeri. Khan biayanye dari mahasiswa sendiri, makanye kudunye ini kampus lebih mahal. Tapi Allhamdulillah deh, untuk kondisi saat ini dengan biaya nyang rada murah dan akreditasi yang cukup baik (B) akhirnye ane mutusin lanjutin S2 di sini.

Tapi emang dasar mahasiswa teladan apa kepagian yach, nyampe kampus barengan ama orang nyang lari pagi. Pas radda capek dikit nunggu ampir 1 jam, eh dapet info ntu dosen masih di Solo sekarang dan pesawatnye ke jakarta baru boarding jam 7an. Belum lagi kalo delay ma nunggu bagasi + macet di kota jakarta nyang rada njlimet ini, pasti nyampe kampus jam 12 siang dah. Et dah, padahal kalo di itung-itung mah dari senen ampe jum’at kerja. Trus sabtu-minggu kuliah, kapan ane mo istirahatnya ? Kesel sich nunggu ampir 2 jam masih belom dateng juga padahal berangkat dari rumah ba’da shubuh.

Nasib…nasib, jadi mahasiswa lagi…

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s